Målgruppe:
I prosjektet Skattkista vil Bygland folkebibliotek arbeide saman med 1. og 2.klassingane på dei to barneskulane i kommunen.
På skulen skal elevane lære å lese. Biblioteket vil gjerne vere med å stimulere leselysta frå første stund. Da treng ungane lesestoff som er tilpassa deira alder.

Det er viktig at ungane blir kjende med biblioteket på heimplassen sin. Dette er ein triveleg stad å vere, der ein kan finne mykje interessant å halde på med. 
Foreldra skal få tilbod om aktivitetar for å auke kunnskapen deira om språkstimulering og leseutvikling.
Biblioteket kan og vere til hjelp for dei tospråklege borna i kommunen.
Biblioteket vil leggje vekt på å nytte den nynorske barnebokskatten. 

Tiltak:
Kjøpa ei skattkiste med egen logo for prosjektet
Byggje opp ei samling for born og foreldre av:
           språkstimulerande spel og leikar
           skrive- og teikneutstyr
           barnebøker på nynorsk
           lydbøker på nynorsk
           lettlesbøker på nynorsk
           litteratur om språkstimulering og leseopplæring
           boklister

Tilskipingar på biblioteket:
           høgtlesing
           lesegrupper
           dokketeater
           bamsefest, evt andre samkomer
           tevlingar
           utstilling på biblioteket der vi viser fram litt av det vi har gjort
           skattkistefest til avslutning på året

Tilskipingane er på biblioteket i skuletida, så det må vere eit godt samarbeid mellom skulane og folkebiblioteket. 
Det kan vel hende vi vil ha arrangement om kvelden, og da blir foreldra oppmoda om å vere med. 
Biblioteksjefen vil vere med på foreldremøte på skulane for å formidle bibliotektilboda til brukarar i alle aldrar og stimulere til høgtlesing for borna (også for dei som har lært å lese).
Eit viktig mål er å få foreldre og born til å bli gode brukarar av biblioteket sine tilbod.
 
Samarbeidspartnarar:
Klassestyrarane i 1. og 2.klasse ved dei to barneskulane i kommunen er samarbeidspartnarar. Rektorane og skulesjefen er andre som er med i samarbeidet. Alle er kontakta og vil vere med.

Omfang:
Kvar skule får tilbod om ein dobbeltime på biblioteket ein gong pr. mnd. (eller 1 time anna-kvar veke). Med førearbeid og etterarbeid vil det bli omlag 10 timar pr. mnd. for biblioteksjefen i Bygland.

Kanskje kunne det vere triveleg å kunne gje kvar elev ei bokgåve på slutten av skuleåret som ei helsing etter eit vonleg triveleg år på biblioteket (mellom 25 – 30 elevar i alt).