BOKMELDING
Verdas mest forelska par
Rune Belsvik
Boka kom ut i 2001
av
Gudrun Øy Hauge
Rune Belsvik er fødd
i 1956. Han er fødd i Haugesund, og vaks opp på Stord. Som
vaksen har han budd i Finnmark og i Kristiansand der hen framleis bur med
kone og born. Han har i mange år vore forfattar og dramatikar på
heiltid. Han er og aktiv i foreininga til Norske barne-og ungdomsbok forfattarer.
Rune Belsvik byrja å skrive ungdomsbøker fordi han ville skrive
dei bøkene han ikkje fann då han var ung gut sjølv-
bøker som handla om det han var oppteken av. Den første boka
var ungdomsromanen Ingen drittunge lenger, den kom ut i 1979. Andre bøker
han har skrive er bøkene om Dustefjerten, bøkene om Arne
Bu, Kram snø, Alleslags dagar, Sommar-jubel, Tjo-hei og Den som
kyssar i vinden.
Han skriv alle sjangre, dikt
skodespel, høyrespel, noveller og romaner.
Det gjennomgåande tema
i ungdomsbøkene til Rune Belsvik er unge gutar og korleis dei opplever
puberteten. Belsvik har motteke mange prisar for bøkene sine. I
2000 fekk han Brageprisen for beste ungdomsbok.
Den boka av Rune Belsvik som
eg har lese heiter Verdas mest forelska par.
Boka handlar om eit svært
forelska par som bur i eit lite hus i Bløygen. I Bløygen
er der berre ein lyktestolpe, og Bidger og Esmiluni er så forelska
at utelampa blinkar. Dei har ein julepyntbutikk i Bløygen der dei
lager mykje fin julepynt. Om morgonane før dei reiser på jobb
har dei tannkremskumkonkurranse. Ofte er dei så forelska at dei ikkje
kan gå på jobb, men er heller heime og kallar kvarandre mange
ting som Nupperella mi, Godteposen min, Tyttebæret mitt, Kakestrøet
mitt og Elsklingen min.
I Bløygen bur og Bjørn Disel som driv ein bensinstasjon. Han er og forelska i Esmiluni, men ho er allereie veldig forelska i Bidger.
Ein dag stod det i avisa at det skulle vere verdsmeisterskap i PLUDRING OG ROMANTIKK . Alle i Bløygen vil at Bidger og Esmiluni må vere med i konkurransen, sidan dei er så frykteleg forelska. Kommunestyret heia på dei med hurra- og jippi rop. Til og med songkoret stilte opp. Alle ville svært gjerne at eit par frå Bløygen skulle vinne slik at Bløygen kom på kartet.
Eg syntes boka var gild, men
samtidig litt kjedeleg. Det var veldig mykje gjentaking om det å
vere forelska. Eg synes nok at det var litt lite handling. Det store var
jo meisterskapet i pludring og romantikk og alt dreidde seg liksom om dette.
Eg følte nok at heile boka var litt jabbete.
>> Tilbake